Bataioak Kostaldea eta Barnekaldea zerutik deskubritzeko parada emanen dizu. Airetan zintzilikatua, eroso jarria, ikuskizun paregabea lehen palkotik gozatzen ahalko duzu sentsazioz beteriko hegaldi honi esker.

Aireratzeak Paramoteur64-k dituen bi plataformetatik egiten dira, Samatzetik edo Urruñatik.

- Ibaien eta Aturriren artean : 20 minutu >> 85€
Ibaien eta Aturriren elkargunea. Samatzetik abiatuz, Ibaien eta Aturriren artean uraren ibilbidea segituz hegan egin ondoren, aintziraren gainetik pasatuko zara.



- Euskal itsasertzea : 20 minutu >> 85 €
Kortsarioen badia. Urruñatik abiatuz, hegaldi goxoa eginen duzu kosta basatiko larre berdeetatik Zokoako gotorlekuraino, Cornicheko labarrak segituz.



- Itzuli handia : 40 minutu >> 145 €
Pirinio eta Atlantikoaren ezkontza. Urruñatik abiatuz, hegaldi magiko honen bidez mendietako gailur-lerroak hurbiletik ikusiko dituzu, Ibardingo aintzira eta Larrunen gainetik pasatuz. Itzulera, euskal itsasertzetik eginen duzu.

Bataioa maitatu duzu ? Formakuntza* bat segitzea erabakitzen baduzu, paramoteur64-k %5eko beherapena eginen dizu !

  *  Deskubritze eta trebakuntza ikastaroetatik kanpo.

Opari ideia original horrekin, hartzailea poz-pozik utziko duzu !

Eskaini nahi duzun hegaldiaren iraupena hauta ezazu (20 edo 40 minutukoa), paramoteur64-ekin harremanetan sar zaitez eta opari txartela e-mailez igorriko zaizu. Ordainketa txekez egiten da, e-mail horretan ageriko den helbidera igorriz.

Serie zenbakidun opari txartelari balioa emanen zaio ordainketa eskuratu bezain laster.

Txartelak urte batentzat balio du, epea paramoteur64-k txartela emititu duen datatik goiti hasten delarik. Txartelaren jabeak hegaldi data hautatzen ahalko du betiere disponibilitate eta eguraldiaren arabera.

Behin hitzordua finkatuta, txartela eskuan duela aurkeztu beharko du bere burua. Hortik aitzina, hegaldi ahaztezin magikoa hasten da.